Monday, 20 May 2019

நேற்று (19-05-19) தமிழ்நாடு மற்றும் சென்னை தொலைபேசி NFTE, FNTO,TEPU மற்றும் SEWA சங்கங்களைச் சேர்ந்த மாநில மற்றும் அகில இந்திய தலைவர்கள் சென்னையில் தோழர் சி.கே.எம் அவர்களின் தலைமையில் ஒன்றுகூடி எதிர்வரும் டெலிகாம் கூட்டுறவு சொசைட்டி தேர்தல் குறித்து ஆலோசனை நடத்தினர். இதில் மூத்த தலைவர்கள் P.N.பெருமாள்(SEWA), S.லிங்கமூர்த்தி (FNTO) மற்றும் தோழர்கள் J.விஜயகுமார்( TEPU), ஜெயபாலன் ( FNTO) , P.சண்முகம்( NFTE), K.M.இளங்கோவன்( NFTE) ஆகியோருடன் முன்னாள் NFTE சம்மேளனச் செயலாளர் S.S.கோபாலகிருஷ்ணன் உள்ளிட்ட ஏராளமான சங்க முன்னோடிகள் திரளாக பங்கேற்றனர். டெலிகாம் கூட்டுறவு சொசைட்டியின் தலைவர் S.வீரராகவன், துணைத் தலைவர் K. ரகுநாதன், பொருளாளர் திருசங்கு மற்றும் பல இயக்குனர் பங்கேற்றனர். கர்னாடக மாநிலத்தில் இருந்து NFTE பெங்களூர் மாவட்ட துணைச் செயலாளர் நாகராஜன் மற்றும் கோலார்/ மைசூர் உள்ளிட்ட இடங்களில் இருந்து பல தோழர்களும் கூட இந்த ஆலோசனை கூட்டத்தில் பங்கேற்றனர். நான்கு மணி நேர விவாதத்திற்கு பிறகு கீழ்க்கண்ட முடிவுகள் ஒருமனதாக எடுக்கப்பட்டன. 
1. எதிர்வரும் டெலிகாம் கூட்டுறவு சொசைட்டி தேர்தலில் 2014 ல் அமைந்த வெற்றிக் கூட்டணியை அப்படியே தொடர்வது.
2. பிஎஸ்என்எல் நிறுவனத்தில் ஏற்பட்டுள்ள கடும் நிதி நெருக்கடி மற்றும் நீதிமன்ற‌ வழக்குகள் காரணமாக தற்காலிகமாக வங்கிகளில் கிடைத்திருக்க வேண்டிய கடன் தாமதமானதால் உறுப்பினர்களுக்கு ஏற்பட்டுள்ள சங்கடங்களை விரைவில் அகற்ற துரித நடவடிக்கைகளை இயக்குனர் குழு எடுக்க வேண்டும்.
3. சென்றமுறை நடந்த சொசைட்டி தேர்தலில் படுதோல்வியை தழுவிய BSNLEU சங்கம் காழ்ப்புணர்ச்சி மற்றும் தீய நோக்கத்துடனும் சமீபகாலமாக நடத்திவரும் அவதூறு / பொய்ப் பிரச்சாரத்தை முறியடிக்க சொசைட்டி நிர்வாகம் உடனடியாக உறுப்பினர்களுக்கு உண்மை நிலவரத்தை தெரிவிக்க வேண்டும். 
4. கடந்த காலங்களில் ஊழல்/ முறைகேடுகளில் ஈடுபட்டு சொசைட்டியின் வராக் கடன் பெருகக் காரணமான சில சுயநலவாதிகள் BSNLEU சங்கத்துடன் கூட்டுச் சேர்ந்து கொண்டு நமது டெலிகாம் கூட்டுறவு சொசைட்டி போன்ற மிக நல்ல நிதிநிறுவனத்தை தனிப்பட்ட வெறுப்பு/ குரோதத்தினால் சீரழிக்க முயல்வதை அனைத்து சங்கங்களும் ஒன்றுபட்டு முறியடிப்பது. 
5. தொழிற்சங்க அங்கீகாரத்தை 2004 முதல் கையில் வைத்துக் கொண்டு ஊழியரின் உரிமைகள் ஒவ்வொன்றாய் பறிகொடுத்த கையாலாகாத BSNLEU சங்கம் தாமதமாகும் மூன்றாவது ஊதிய மாற்றம் , நிர்வாகத்தின் ஆட்குறைப்பு திட்டம் மற்றும் அரசின் சீர்குலைக்கும் நடவடிக்கைகள் போன்ற முக்கிய பிரச்சினைகளில் தனது படுதோல்வியை மூடிமறைக்க- எதிர்வரும் எட்டாவது அங்கீகார தேர்தலில் ஆதாயம் பெற ஊழியரின் கவனத்தை உயிர்ப் பிரச்சனைகளில் இருந்து திசைதிருப்பவே டெலிகாம் கூட்டுறவு சொசைட்டி நிர்வாகத்தின் மீது பொய்ப் பிரச்சாரத்தை கட்டவிழ்த்து விட்டுள்ளது. இதை அனைத்து ஊழியரிடமும் அம்பலப்படுத்த தீவிர பிரச்சாரத்தில் நமது கூட்டணிக் சங்கங்கள் ஈடுபடவேண்டும்.

Sunday, 19 May 2019




 
All union consultation meeting on Telecom Cooperative Society Elections: 
On 19-05-19 a meeting of NFTE-BSNL, FNTO, TEPU and SEWA in both Chennai Telephones and Tamilnadu Circle was held in Chennai under the presidentship of Comrade CKM, Sr. Vice- President (CHQ) / NFTE- BSNL. It discussed about the forthcoming elections to the Telecom Cooperative Society and the stand to be taken in the tomorrow’s RGB meeting of Telecom Society . It was unanimously decided to continue the winning alliance of NFTE/ FNTO/ TEPU/ SEWA as in the last RGB election held in 2014 in the forthcoming Society elections also. The following Leaders spoke at the meeting.
Comrades 
1. P. N.Perumal, National President/ SEWA
2.S. Lingamoorthy , National President/ FNTO 
3.  Jayapalan            | FNTO / Tamilnadu 
4. R. Vijayakumar.    | TEPU / Chennai Telephones 
5. K.M. Elangoven | NFTE/ Chennai Telephones 
6. P. Shanmugam.   | NFTE/ Tamilnadu 
Besides RGB members from Chennai Telephones, Tamilnadu and Karnataka several Union leaders of alliance unions participated in this consultation meeting. Comrade S. Veeraraghavan , President of Tamilnadu Telecom Cooperative Society was invited to this meeting to brief all the unions about the current situation of Telecom Cooperative Society. Along with him all the Directors of the Board including Vice- President. K. Ragunathan and Treasurer Thirusangu attended this meeting. 
     The meeting condemned the negative attitude of BSNLEU in collaboration with few selfish/ Corrupt individuals in spreading baseless allegations and false information to damage the reputation of Telecom Cooperative Society just because it couldn’t win any one Director post out of 21 in the Board. The meeting unanimously decided to face the unwanted litigations thrust upon the Society with the sole aim of crippling the financial position of the Society. The meeting which began at 6 pm concluded at 10 pm after a fulfilling deliberations.

Friday, 10 May 2019






தலைமை பொது மேலாளருடன் சந்திப்பு

இன்று புதிதாக பொறுப்பேற்றுள்ள தலைமை பொதுமேலாளர் திரு.சந்தோஷம் அவர்களை நமது சங்கத்தின் சார்பாக தோழர்கள்.மதிவாணன், இளங்கோவன்,ரவி சந்தித்தனர்.

சந்திப்பின்போது நம் சங்கத்தின் சார்பாக நிறுவன வளர்ச்சிக்கு முழு ஒத்துழைப்பு நல்கப்படும் என்ற உத்திரவாதத்தினை அளித்தனர். உடன் சென்னை தொலைபேசி பொதுமேலாளர் நிர்வாகம் மற்றும் மனிதவளம், துணைப்பொதுமேலாளர் நிர்வாகம் மற்றும் மனிதவளம் கூடுதல் பொதுமேலாளர்கள் இருந்தனர். 

Thursday, 9 May 2019

அடுக்குமாடி குடியிருப்பு கட்டும் திட்டம் ஏன் இதுகாறும் நிறைவேற்றப்படவில்லை?

ஐந்தாண்டுக்கு முன்பு டெலிகாம் கூட்டுறவு சொசைட்டி யின் RGB உறுப்பினர் தேர்தல் நடைபெற்ற போது NFTE கூட்டணி வெள்ளானூர் நிலத்தில் சகாய விலையில் தரமான அடுக்குமாடிக் குடியிருப்புகள் கட்டப்பட்டு உறுப்பினர்களுக்கு வினியோகிக்கப்படும் என்ற வாக்குறுதியை அளித்தது. NFTE கூட்டணியின் வரலாறு காணாத வெற்றிக்கு இந்த உறுதிமொழி மிகவும்
முக்கிய காரணம். எனவே தான் புதிய இயக்குனர் குழு தோழர் வீரராகவன் தலைமையில் பொறுப்பேற்றதும் அடுக்கு மாடி குடியிருப்பு கட்டும் பணியை துவங்கியது. இது ஒரு பிரம்மாண்டமான திட்டம் என்பதால் துவக்கப் பணிகளை இறுதியாக்கவே ஓராண்டானது. பின்னர் CMDA வின் ஒப்புதலுக்காக கோப்புகள் அனுப்பி வைக்கப்பட்டன. CMDA ஒப்புதல் தருவதற்கு ஓராண்டுக்கு மேல் இழுத்தடித்தது. இயக்குனர் குழுவின் இடைவிடா முயற்சியால் கோப்புகளின் பரிசீலனை வேகம் பிடித்தது. ஆனால் துரதிர்ஷ்டவசமாக நமது நிலத்தின் மீது உரிமைக் கோரி மூன்று சிவில் வழக்குகள் நிலுவையில் இருப்பதை காரணம் காட்டி CMDA அடுக்கு மாடி குடியிருப்பு கட்டுவதற்கு ஒப்புதல்/ அனுமதி அளிக்க மறுத்து விட்டது. நிலுவையில் இருக்கும் நீதிமன்ற வழக்குகளை தள்ளுபடி செய்ய இயக்குனர் குழு எடுத்த எல்லா முயற்சிகளும் சட்டச் சிக்கல் காரணமாக இன்றுவரை வெற்றிப் பெறவில்லை.
நீதிமன்றத்தில் வழக்கு நிலுவையில் உள்ள காலம் வரை CMDA நமது அடுக்கு மாடி குடியிருப்பு கட்டும் திட்டத்திற்கு அனுமதி அளிக்காது என்பதே இன்றுள்ள யதார்த்தமான நிலை. நமக்கு இந்நிலை வருத்தம் தந்தாலும் நீதிமன்றங்களுக்கு எவரும் ஆணையிட முடியாது. வழக்குகள் ஆமை வேகத்தில் நடக்கின்றன. இதற்கிடையில் வழக்கு கொடுத்தவர்களுடன் சமரச உடன்பாடு காணவும் நமது இயக்குனர் குழு பெரும் முயற்சிகளை எடுத்தது. ஒருவேளை சமரசம் ஏற்பட்டு எதிர்மணுதாரர்கள் தங்களின் நீதிமன்ற வழக்குகளை வாபஸ் பெற்றுவிட்டால் CMDA வின் அனுமதி நமக்கு கிடைப்பது எளிதாகும். ஆனால் இதற்காக நம்மிடம் அவர்கள் எதிர்பார்த்த Compensation தொகையோ மிக மிக அதிகம். சுருக்கமாக சொன்னால் பல கோடி ரூபாயை அவர்கள் Compensation கேட்டார்கள். அவர்களின் ஆசையை நம்மால் ஒருபோதும் பூர்த்தி செய்ய இயலாது. இந்த பின்னணியில் தான் அடுக்கு மாடி குடியிருப்பு கட்டும் திட்டம் முடங்கிக் கிடக்கிறது. 
புதுடில்லியில் NFTE யின் சொந்த கட்டிடமான தாதா கோஷ் பவன் தனக்கு தான் சொந்தமானது என தனிச் சங்கம் துவங்கிய  BSNLEU உரிமைக் கோரி டில்லி 
நீதிமன்றத்தில் தொடுத்த நியாயமற்ற வழக்கு பல ஆண்டுகளாக இன்றுவரை நிலுவையில் தான் உள்ளது. சிவில் வழக்குகளின் கதி இது தான். ஏன் அயோத்தியில் சர்ச்சைக்குரிய பாபர் மசூதி அமைந்திருந்த நிலம் சம்பந்தப்பட்ட வழக்கு நீதிமன்றத்தில் ஐம்பது ஆண்டுகளுக்கும் மேலாக இன்று வரை தீர்வு ஏற்படாமல் இழுத்தடிக்கப்படு  நிலுவையில் உள்ளது. 
   CMDA அனுமதி இல்லாமல் அடுக்கு மாடி குடியிருப்பு வளாகத்தைக் கட்ட எவராலும் இயலாது. எனினும் நமது விடா முயற்சி தொடர்கிறது.தோழர்கள் நமது நேர்மையான முயற்சிகளை சந்தேகிக்க கூடாது என பணிவுடன் வேண்டுகிறேன்.
சி.கே.எம்.
டெலிகாம் கூட்டுறவு சொசைட்டி பிரச்சினையில் நீலிக் கண்ணீர் (முதலைக்கண்ணீர்)உகுப்பவர்களின்  உண்மையான நோக்கம் என்ன ?

மே-27 அன்று தற்பொழுதைய இயக்குனர் குழுவின்
ஐந்தாண்டு பதவிக் காலம்  நிறைவடைவதால் கூட்டுறவுச் சங்கத்திற்கு தேர்தல் நடைபெறவுள்ளது.எனவே வழக்கம் போல சில சங்கங்கள் தமது புளுகு பிரச்சாரத்தை தேர்தலில் ஆதாயம் பெற அவிழ்த்து விடுகின்றனர்.கூட்டுறவு சொசைட்டி யின் முன்னாள் துணைத் தலைவரும் ( ருசிகண்ட பூனையுமான) BSNLEU சங்கத்தைச் சார்ந்த ஒருவர் மறுபடியும் கூட்டுறவு சொசைட்டி மீது வழக்கு தொடுத்துள்ளார். இவர் தவிர வேறு சிலரும் கூட தனித்தனியாக வழக்கு கொடுத்துள்ளனர்.வெள்ளானூர் நிலவிற்பனை சம்பந்தமான இந்த வழக்குகள் நீதிமன்றத்தில் நிலுவையில் உள்ளதால் அது குறித்து நீதிமன்றம் தீர்ப்பு அளிக்கும் வரை பிறர் கருத்து தெரிவிப்பது நீதிமன்ற அவமதிப்பு குற்றமாக கருதப்படும் என்பதால் நாம் அதுகுறித்து தற்பொழுது கருத்து பதிவிட விரும்பவில்லை. என்றாலும் உறுப்பினர்களை பாதிக்கும்- அன்றாடம் அலைக்கழிக்கும் சில முக்கிய அம்சங்கள் குறித்து விளக்குவது நமது கடமையாகிறது. 
     முன்பு போல் ஏன் கேட்டவுடன் கடன் கிடைப்பது இல்லை ?
     கூட்டுறவு சொசைட்டி உறுப்பினர்களுக்கு கடன் வழங்குவதற்காக வங்கிகளில் அது பெருந் தொகையை  கடனாக பெறும். மாதந்தோறும் உறுப்பினரின் சம்பளத்தில் BSNL நிறுவனத்தால் பிடித்தம் செய்யப்படும் தொகையையும் உறுப்பினர்களுக்கு கடன் வழங்க சொசைட்டி பயன்படுத்திக் கொண்டது. இப்போது இந்த இரண்டு வழிகளிலும் தடைகள் ஏற்பட்டுள்ளன. சொசைட்டிக்கு எதிராக வழக்கு கொடுப்பவர்கள் உள்நோக்கத்துடன் முதலில் வழக்கு குறித்த தகவலை டெலிகாம் சொசைட்டிக்கு கடன் தரும் வங்கிகளுக்கு தெரிவிக்கின்றனர். இதன் விளைவாக சம்பந்தப்பட்ட வங்கிகள் கடன் தொகை வழங்கிட தயக்கம் காட்டுகின்றன. தாமதம் செய்கின்றன. இந்த நுணுக்கம் தெரிந்த முன்னாள் CEO தான் இப்போது BSNLEU சங்கத் தலைமைக்கு சட்ட ஆலோசகராக (?) செயல்படுகிறார். அவரது முறைகேடுகளாலும்- ஊழலினாலும் தான் சொசைட்டியின் நிதிநிலை சீரழிந்தது என்பது அனைவருக்கும் தெரிந்த செய்தியே. இப்படிப்பட்ட திறமைசாலி (!)க்கு  அவர் விரும்பிய பணிஓய்வுக்கு பிறகு இரண்டாண்டு பணிநீட்டிப்பு நமது ஆலோசனையால் மறுக்கப்பட்டது. அதனால் ஆத்திரமுற்ற அவர் தற்போது சரணடைந்திருப்பது BSNLEU சங்கத் தலைமையிடம் தான். எதிரிக்கு எதிரி நண்பன் என்ற எண்ணத்தில் அவர் BSNLEU சங்கத்தினருடன் கூடிக் குலாவுகின்றார். விசாரணை என்று ஒன்று நடந்தால் முதலில் பதில் சொல்ல கடமைப்பட்டுள்ள இவரின் துணையுடனும் - ஊழல் செய்வது எனது பிறப்புரிமை என ஓங்கிஒலிக்கும் வேறு ஒரு பிரபல(?) ஆசாமியின் உதவியுடனும் தான் BSNLEU சங்கம் ஊழலை ஒழிக்க போராடுவதாக மார்தட்டுவது  பரிதாபத்துக்குரிய- வேதனைக்குரிய நிலை.ஒருபுறம் நீதிமன்ற வழக்குகள் மூலம் வங்கிகளிடமிருந்து சொசைட்டிக்கு கிடைக்க வேண்டிய கடன் தொகையை தடுத்து நிறுத்தி விட்டு மறுபுறத்தில் அப்பாவி உறுப்பினருக்கு கடன் கிடைப்பதில் தாமதமாகிறதே - சொசைட்டியிலிருந்து வெளியேறியவர்களுக்கும் - நிறுவனத்திலிருந்து பணிஓய்வில் பெற்றவர்களுக்கும் நியாயமாக கிடைத்திருக்க வேண்டிய தொகை கிடைப்பது தாமதமாகின்றதே என்று‌ நீலிக் கண்ணீர் வடிக்க BSNLEU தலைவர்களால் மட்டுமே இயலும். ஏனெனில் பிள்ளையை கிள்ளிவிட்டு தொட்டிலையும் ஆட்டுவதில் அவர்கள் சமர்த்தர்கள்.தொழிற்சங்க  அங்கீகாரத்தை மட்டுமே அனுபவித்துக் கொண்டு ஊழியரின் பிரச்சினைகளை தீர்க்காமல் - ஊதிய மாற்றம் உள்ளிட்ட கோரிக்கைகளை கோட்டை விட்டு விட்டு மெளனவிரதம் இருக்கும் இந்த புரட்சிக் காரர்கள் இப்பொழுது நமது ஊழியர்கள் அவர்களின் தோல்விகளை மறந்திடவே டெலிகாம் சொசைட்டியை பாதுகாக்க குரல் எழுப்புவதாக நாடகம் ஆடுகிறார்கள். முதலில் அச்சங்கத்தினர் ஊழியர்களின் கோரிக்கைகளை நிறைவேற்றவும்- பிஎஸ்என்எல் நிறுவனத்தை பாதுகாக்கவும் முதலில் 
செயலில் இறங்கட்டும். 
   மற்றொரு முக்கிய பிரச்சினை பிஎஸ்என்எல் நிறுவனத்தில் இருந்து பிடித்தம் செய்யப்படும் தொகை சொசைட்டி டிமாண்ட் செய்யும் தொகையில் பாதி தொகை தான் சொசைட்டிக்கு கிடைக்கிறது. Society Demand செய்த தொகைக்கும் அதற்கு நிறுவனம் பிடித்தளிக்கும் Actual தொகைக்கும் உள்ள இடைவெளி மாதந்தோறும் பல கோடி ரூபாய். இதற்கு முக்கிய காரணம் முன்னாள் CEO லஞ்சம் பெற்றுக் கொண்டு வழங்கிய பல தவறான விதிகளை மீறிய கடன்கள் தான். இப்படி முப்பது கோடி ரூபாய்க்கு மேல் வராக்கடனாக தேங்கி நிற்கிறது. கடந்த ஆறு மாதங்களாக  பிஎஸ்என்எல் நிறுவனமே நிதி நெருக்கடியில் தள்ளாடுவதால் ஊழியரிடம் பிடித்தம் செய்யப்பட்ட மிகக் குறைவான தொகையைக் கூட BSNL நிறுவனம் பல மாதங்களாக ஒப்படைக்காத அவலம் தொடருகிறது. இந்த மிக நெருக்கடியான நிதிநிலையின் காரணமாகவே தற்காலிகமாக சொசைட்டியில் உறுப்பினருக்கு கடன் வழங்குவதிலும் - கணக்கு முடித்தவர்களுக்கு தொகையை தருவதிலும் காலதாமதம் ஏற்பட்டுள்ளது. இயக்குனர் குழுவின் தீவிர மாற்று நடவடிக்கைகள் மூலம் இத்தகைய சூழல் விரைவில் சீராகும் என எதிர்ப்பார்க்கிறோம். வீடு பற்றி எறியும் போது நெருப்பை அணைப்பதற்கு சிறுதும் உதவாமல் தேர்தலில் ஆதாயம் பெற BSNLEU நமது ஊழியரிடம் நடத்தும் பொய்ப் பிரச்சாரம் ஒரே போதும் எடுபடாது.
 சி.கே.எம்....

Tuesday, 7 May 2019















தொழிலாளர் கல்வி மையத்தின் மாநில மாநாடு
தூத்துக்குடியில் மே 4-5
தேதிகளில் மிகவும் சிறப்பாக நடைபெற்றது.
தேசியக்கொடியினை கரூர் தோழர் P.சுந்தரம் ஏற்றினார்.
மேதின தியாகிகளுக்கு
அஞ்சலி
தோழர் K.M. இளங்கோவன்.

தமிழ்நாடு வணிகர் சங்கங்களின் பேரவை தலைவர் 
திரு.த.வெள்ளையன் துவக்கயுரையாற்றி மாநாட்டில்
கல்வி உதவித்தொகை பெற வந்திருந்த ஒரு ஒப்பந்த தொழிலாளரின் மகனை‌ மேடைக்கு அழைத்து கெளரவித்தது ஒரு நெகிழ்வான நிகழ்வாக அமைந்தது.
மாநில ஒருங்கிணைப்பாளர் தோழர் C.K.மதிவாணன்
வேலையறிக்கை மற்றும் அமைப்பு விதிகளை அறிமுகம் செய்து உரையாற்றினார். முதல்நாள் நிகழ்ச்சிகள் நிறைவு பெற்றன.

நிறைவாக முடிவுற்ற மாநில மாநாடு:
இரண்டாம் நாள் காலை துவங்கிய மாநாடு காலை10 மணிக்கு தோழர் சி கே எம் யின் எழுச்சியுரையுடன் துவங்கியது.  
11மணிக்கு
கருத்தாழம் மிக்க பட்டிமன்றம் ஒன்றும் நடைபெற்றது. இதில் தோழர்கள் காமராஜ், பூபதி, அன்பழகன், சுப்பராயன், சண்முகம், அசோக்குமார் ஆகியோர் மிகச் சிறப்பாக வாதித்தனர். தமிழ் தேசிய விடுதலை முன்னணி பொதுச் செயலாளர் தியாகு நடுவராக இருந்து அற்புதமான உரை நிகழ்த்தினார்.  
மாலை    ஒருமனதான நிர்வாகிகள் தேர்வுடன் நிறைவுற்றது. இறுதி நிகழ்ச்சியாக மாமேதை கார்ல் மார்க்ஸ் அவர்களின் 202 வது பிறந்தநாள் விழா நடைபெற்றது. இதில் NFTCL மாநில சங்கத்தின் MMKM Educational Trust சார்பில் 14 ஏழை மாணவர்களுக்கு கல்வி நிதியுதவி வினியோகிக்கப்பட்டது. இவர்கள் அனைவரும் நமது நிறுவனத்தில் பணியாற்றும் ஒப்பந்த தொழிலாளர்களின் பிள்ளைகள் என்பது குறிப்பிடத்தக்கது.   

இறுதியில் 71 தோழர்கள் உள்ளடங்கிய மாநில பொதுக்குழு தேர்வு செய்யப்பட்டது. 25 பேர் கொண்ட மாநில செயற்குழு தேர்ந்தெடுக்கப்பட்டது. 15 பேர் மாநில நிர்வாகிகளாக தேர்வு செய்யப்பட்டனர். 
மாநில தலைவர்:
எஸ். பாபநாசம்
பொதுச் செயலாளர்:
சி.கே.மதிவாணன்
துணைப் பொதுச்செயலாளர்:
எஸ்.காமராஜ்
தலைமையக செயலாளர்:
கே.எம். இளங்கோவன்
மாநிலப் பொருளாளர்:
எல்.சுப்பராயன்.
தணிக்கை குழு:
1. தோழர் என். கணேசன்
2. தோழர் எம். தனுஷ்கோடி
3.தோழர் டி. சோலை ராஜ்.
மிகக் குறுகிய அவகாசத்தில் சிறப்பாக மாநில மாநாட்டை நடத்திய தூத்துக்குடி தோழர்கள் பாலகண்ணன் மற்றும் கலாசெல்வம் உள்ளிட்ட அனைத்து தோழர்களுக்கு   நன்றி.

Sunday, 5 May 2019


காலங்களைக் கடந்த             மாமனிதன் காரல்மார்க்ஸ்! 
202 பிறந்தநாள்

ஆளும் வர்க்கத்துக்கும் அரசுகளுக்கும் எதிராகத் தொடர்ந்து குரல் கொடுத்து வந்ததால், பல நாடுகளில் இருந்தும் துரத்தப்பட்ட அந்த மாபெரும் சிந்தனையாளர் காரல்மார்க்ஸ்.

உலகின் மாபெரும் சிந்தனையாளர்களில் எப்போதும் காரல்மார்க்ஸ்க்கு ஒரு முக்கிய இடமுண்டு. வறுமையும் நோயும் விடாது துரத்திக்கொண்டிருந்த காலத்தில்,  மார்க்ஸ் தனது ஏழ்மை குறித்து சிந்தித்து அதற்கான தீர்வுகளைத் தேடிக்கொண்டிருக்கவில்லை. மாறாக, உலகமெங்கும் ஒடுக்கப்பட்ட, வறுமையில் உழன்ற தொழிலாளர் வர்க்கம் குறித்து அவர் சிந்தித்தார். தனக்கு முன்பிருந்த தத்துவவாதிகளின் சிந்தனைகளைக் கரைத்துக் குடித்தவர்.

‘’எல்லாத் தத்துவங்களும் உலகம் எப்படித் தோன்றுகின்றன, இயங்குகின்றன என்று சிந்திக்கின்றன. நமது வேலை உலகம் எப்படி தோன்றியது என்று சிந்திப்பதில்லை, மாறாக உலகத்தை மாற்றியமைப்பதே!” என்றார். அதற்கு என்ன செய்வது? “உலகத் தொழிலாளர்களே ஒன்றுபடுங்கள்! நீங்கள் இழப்பதற்கு எதுவும் இல்லை. ஆனால் உங்களுக்காகப் பொன்னான ஓர் உலகம் காத்திருக்கிறது!” என்ற புகழ்பெற்ற வாக்கியத்தை மார்க்ஸ் எழுதியது வரலாற்றின் பல திருப்பங்களுக்குக் காரணமானது.

‘’ஏடறிந்த வரலாறு அனைத்தும் வர்க்கப் போராட்டத்தின் வரலாறே” என்ற மார்க்ஸ், உலக மனிதகுலத்தின் வரலாற்றை விரிவாக ஆய்வு செய்தார். ஒவ்வொருகாலகட்டத்திலும் மனித இனம் எப்படியெல்லாம் மாறியிருக்கிறது, இந்த மாற்றங்களுக்கு எப்படி மனித உழைப்பு காரணமாக இருக்கிறது என்ற ஆழமான ஆய்வுகளை முன்வைத்தார். உழைப்பினால் கிடைத்த பயன்களை அனைவரும் சமமாகப் பகிரும்வரை பேதங்கள் இருந்தது இல்லை. ஆனால் பகிர்ந்ததுபோக, மிஞ்சியிருந்தது ‘உபரி மதிப்பு’ என்றும் இந்த உபரி மதிப்பே மீண்டும் ‘மூலதனம்’ ஆகிறது என்றும் மூலதனத்தின் மூலமே வர்க்கங்கள் தோன்றின என்றும் வரலாற்றின் முடிச்சுகளை அவிழ்த்தார். 

இப்படியான ஆய்வு முடிவுகளை வந்தடைவதற்கு மார்க்ஸ் உழைத்த உழைப்பு கொஞ்சநஞ்சமல்ல. அதற்கு அவர் கொடுத்த விலைகளும் கொஞ்சமல்ல.

 மார்க்ஸின் வாழ்க்கையில் ஒரு சின்ன துயரக்கீற்று மட்டுமே. தன் காதல் கணவன் மாபெரும் சிந்தனையாளன் என்பதைப் புரிந்துகொண்டு, எல்லாவிதத் துயரங்களையும் ஏற்றுக்கொண்ட ஜென்னி மார்க்ஸ், உலகின் அற்புதமான காதலிகளின் வரலாற்றில் நிரந்தரமாக நினைவுகூரப்படுவார், அதேபோல்தான் மார்க்ஸ்-ஏங்கெல்ஸ் இருவருக்கும் இடையிலான நட்பும்கூட. ஏங்கெல்ஸும் வசதியான குடும்பத்தில் பிறந்தவர்தான். மார்க்ஸின் சிந்தனைகளும் நூல்களும் வெளிவருவதற்குப் பொருளாதார அடித்தளம் அமைத்துக்கொடுத்தவர் ஏங்கெல்ஸே. 

மார்க்ஸ் பல நாடுகளில் இருந்து துரத்தப்பட்டார். வாடகை கொடுக்க முடியாமல் பல வீடுகளில் இருந்தும் துரத்தப்பட்டார், ஆனாலும் அவர் தன் சிந்தனைகளையோ செயல்பாடுகளையோ நிறுத்திக்கொள்ளவில்லை. மார்க்சின் சிந்தனையால் இந்த மனித குலத்துக்குக் கிடைத்த நிகரற்ற அறிவுக் களஞ்சியம் ‘மூலதனம்’. அதற்குப் பின் கோடிக்கணக்கான புத்தகங்கள் உலகின் பல பாகங்களில் இருந்து உருவாகிவிட்டபோதும் ‘மூலதனம்’ எப்போதும் உலகின் ஆகச் சிறந்த நுால்களில் ஒன்றாக இன்றும் இருக்கிறது. 

உற்பத்தி உறவுகள், பாட்டாளி வர்க்கச் சர்வாதிகாரம், அரசு என்னும் வர்க்க நலன் பேணும் கருவி, கருத்தை முதலாகக் கொண்டுதான் சமூகம் இயங்குகிறது என்னும் பார்வைக்கு மாறாக பொருளின் அடிப்படையில் சமூக மாற்றத்தை ஆராயும் பொருள்முதல்வாதம், மதம் மனிதனுக்கு அபினாக இருந்ததோடு எப்படி இரக்கமற்ற உலகத்தின் இரக்கமுள்ள ஆன்மாவாக மாறியது என்னும் சிந்தனை முன்னெடுப்பு, அந்நியமாதல் என மார்க்சின் ஆய்வுகள் விரிந்து பரந்தவை. மார்க்சின் கருத்துக்களை ஏற்றுக்கொள்ளாதவர்கள்கூட அவசியம் படித்து விவாதிக்கப்பட வேண்டியவை அவரது சிந்தனைகள். ‘தொழிலாள வர்க்கம் ஒன்றிணைந்து புரட்சி செய்து,  முதலாளித்துவ வர்க்கத்தையும் அதன் கருவியான அரசையும் தூக்கியெறிந்து, பாட்டாளி வர்க்கச் சர்வாதிகாரத்தை ஏற்படுத்தும்’ என்ற அவரது கனவை லெனின் ரஷ்யாவில் நடத்திக்காட்டினார்.

மார்க்ஸின் சிந்தனைகள் எப்போதும் இறுதியானவை. மார்க்ஸுக்குப் பிறகு உலகின் பல்வேறு நாடுகளில் தோன்றிய மார்க்சியச் சிந்தனையாளர்கள் காலத்தின் பாடங்களைக் கணக்கெடுத்து, மார்க்சியத்தைச் செழுமைப்படுத்தத்தான் செய்கின்றனர். ஒதுக்கப்பட்ட மக்களுக்காக எந்தத் தியாகங்களையும் செய்யும் செம்படை எல்லா நாடுகளிலும் இருக்கிறது. 

மனிதகுலம் உள்ளளவும் மார்க்ஸ் நினைக்கப்படுவார். ஏனெனில் அவர் தேசியம், மொழி, இனம் என எல்லாவற்றுக்கும் அப்பால் உலகில் உள்ள ஒடுக்கப்பட்ட மனிதர்களுக்காகச் சிந்தித்த மாமனிதனின் 202வது பிறந்த நாள்இன்று.

-